Nco Tuag Nthi (Dịch sang tiếng Mông)

Tu lub siab ua npau suav pom
Quaj ib tom nco ntuj qub qab
Lub siab fab nco txog neej thaum i
Cas zoo li tuag tag rov sawv

Tu lub plawv los los lub kua muag
Hlub ib vuag muab tshua mus ib sim
Kev iab ntsim yuam mus tsis ploj
Khaub zig zoj rov los tshoj siab

Ntuj es lub neej iab tshais roj nruam los
Tiam no kuv tos tos koj los tsis tau
Kev hlub dhau lawm tej sib niab
Lwj lub siab lawm tej sib ntsuav

Tav li no koj pua tshuav kev hlub kuv lawm
Kev txij nkawm lawm tej sib zawv
Cas tsis txawv li tu dej ntws

Kuv lub ntsw muab los phlw koj
Tiam no laus dua toj plaub hau twb yuav dua dawm
Ntshe kuv tsuas txawm los hlub koj xwb
Tseg lwm tiam wb mam siab hlub dua

Kuv yuav tshua koj kom tuag ku
Sim neej no tej ntwb ntu hauv tu dab ntub
Kuv tseem hlub tseem tshua koj tsis paub tag
Koj txawm dag tsis hlub tsis txhua
Cia kuv ua neeg tuag tsis lwj

Los yuav tswj txoj sia ua neeg
Nyob tos ntuj qeeg ntawv noj haus tag
Qaum ntuj sa neeb huab nees cuas
Tuaj txog ntua mam ua ib siab
Mus thawj thiab rau fab lwm tiam
Tos rov los nyiam koj dua zaum ob

Yuav mus nyob pem ntuj ceeb tsheej
Qaum ntuj txheej huab paj huab pos
Tos koj los mus hnav tsho ntsuj
Koj tu ntsuj kuv mam qais nqhos
Tos koj los mus hnav tsho npuag

Koj tu duab kuv mam qais nkaus
Yawg xeev laus nyob qab ntuj ntsuab
Mam li muab wb los sib txis
Pauj kev cim kuv thim koj tuag
Wb sib cuag kuas muag tu nrho
Pauj tiam no koj tso kuv tseg no mog.