Em hãy còn bé lắm I’m o’er young to marry yet

I’m o’er young to marry yet

I am my mammy’s ae bairn,
Wi’ unco folk I weary, Sir,
And lying in a man’s bed,
I’m fley’d it make me irie, Sir.

I’m o’er young, I’m o’er young,
I’m o’er young to marry yet;
I’m o’er young, twad be a sin
To tak me frae my mammy yet.

Hallowass is come and gane,
The nights are lang in winter, Sir;
And you an’ I in ae bed,
In trowth, I dare na venture, Sir.
I’m o’er young & c.

Fu’ loud and shill the frosty wind
Blaws thro’ the leafless timmer, Sir;
But if ye come this gate again,
I’ll aulder be gin simmer, Sir.
I’m o’er young & c.